PROXECTOS CON SCRATCH EN 5º A

O martes, 19 de xaneiro o alumnado de 5º A seguiu traballando con Scratch. Agora que xa sabe que os bloques cambian en función da categoría seleccionada, comezou a experimentar coas figuras que pode animar e cos fondos do escenario. 

Cada neno e nena tiña que escoller un fondo e un "scripts" e a partir de aí, engadir ordes ao obxecto seleccionado arrastrando os bloques que levan a cabo as accións que desexamos ordenar ao mesmo. Pouco a pouco, e seleccionando as distintas "pezas" dos diferentes tipos (Movemento, Control, Apariencia, Son...), conseguimos ir creando o noso propio proxecto Scratch. 

1º Importamos un "scripts". 

2º Modificamos o seu tamaño.

3º Engadímoslle outro ou outros "disfraces".

4º Importamos un escenario.

5º Programamos o desprazamento da nosa figura.

6º Enriquecemos o noso proxecto engadindo un son e facendo que o "scripts" diga ou pense algo. 

7º Por último, aprendemos a gardar o noso proxecto para recuperalo noutra ocasión e poder melloralo.

Deixámosvos aquí algúns vídeos para que vexades o resultado do noso traballo:

Sesión cos Escornabots en 4º

O día 15 de xaneiro o alumnado de 4º de Primaria iniciou a súa andaina no mundo da robótica. Empezamos a sesión traballando cos Escornabots  explicándolles como funcionaban e que funcións tiña cada un dos botóns. Cando xa coñecían esta información dedicámonos a repasar as clases de palabras e a acentuación con ditos robots. 

SESIÓN DE ROBÓTICA CON ESCORNABOTS E LEGO ROBOTS EN 5ºA

Na xornada do martes, 12 de xaneiro de 2021 fixemos unha sesión de robótica na aula de 5º A. 

No marco das normas Covid, dispuxemos as mesas e o material para gardar distancias de seguridade e repartindo tarefas en parellas, co obxecto de evitar a manipulación do mesmo material por dúas persoas distintas. 

Desta maneira, e dado que non dispoñemos de Escornabots para 23 alumnos/as nin Legos, un grupo traballou cos Escornabots realizando bailes sincronizados cos mesmos; outro grupo xogou cos Lego Robots, contruíndo o seu robot e programándoo despois desde a tablet correspondente; e outro grupo estrenou o novo material que nos enviou a Consellería para ampliar os Legos que xa tiñamos. 

INICIACIÓN Á LINGUAXE DE PROGRAMACIÓN CON SCRATCH EN 5ºA

O 22 de decembro dec2020, na aula de 5º A traballamos con Scratch para iniciarnos na linguaxe de programación. 

Propuxéronse retos de dificultade crecente que o alumnado foi resolvendo empregando os diferentes bloques de programación de Scratch:

- Construción de figuras xeométricas sinxelas (cadrado, rectángulo, triángulo...)

- Cambio do  trazo das figuras.

- Cambio da cor das figuras.

- Colocar fondo predefinido.

- Introdución dun son gravado previamente...

MATERIAL ENVIADO AO CENTRO (PROXECTO DE AMPLIACIÓN DE ROBÓTICA)

 No CEIP de Arzúa adiantáronse os Reis. Todo traballo ten a súa recompensa, pois a ampliación do Proxecto de Robótica presentada este curso foi positiva e recibimos o EQUIPO DE ROBÓTICA EDUCATIVA:

- 6 Robots educativos  mBot Xplorer, con kit de construcción e con material adicional.

- 6 Kits de construcción Lego Education con material complementario acoplamento a mBot.

- Libro Programación e robótica educativa.

  

TALLER DE ROBÓTICA EN 5º A

O martes, 6 de outubro, o alumnado de 5ºA participou nun taller de robótica organizado pola Biblioteca "Rosalía de Castro". Ata o noso centro achegáronse dous mozos de Cambre que nos explicaron como confeccionar robots a partir das pezas que eles mesmos crean coas súas impresoras 3D. Na nosa clase, puidemos montar un robot cada neno/a ensamblando as pezas que eles nos ían proporcionando. 

Fixemos unha pequena parada para ver "in situ" como a impresora 3D fabricaba a peza base do robot, sobre a que logo insertamos o resto das pezas. A impresora usa un plástico biodegradable. Eles comentáronnos que en Cambre teñen impresoras moito máis grandes que esta, pero o mecanismo de funcionamento é o mesmo. Durante a sesión de robótica esta impresora só fabricou unha peza!

Despois de case unha hora, cada neno/a puido rematar o seu robot. Aquí vos deixamos un de mostra para que vexades o noso traballo. 

Ao comezo da sesión agasalláronnos a todas e todos cunhas pantallas protectoras. A peza de plástico das pantallas fabrícana eles. Comentáronnos que, durante o confinamento, repartiron moitas pola súa vila para que a xente puidera protexerse, cando aínda custaba conseguir as máscaras nas farmacias.

O noso agradecemento á Biblioteca "Rosalía de Castro" por facernos partícipes desta actividade.

Sesión de Robótica en 5º de Primaria co Escornabot

O alumnado de 5º traballamos por primeira vez cos escornabots. En primeiro lugar aprendemos a manexalo, en definitiva, aprender como "mandarlle as ordes", para logo facer unha actividade por grupos.

Había catro paneis sobre os que manexar o escornabot: panel matemático con operacións matemáticas con decimais, panel de Ciencias con definicións de termos relacionados coas plantas, panel de Xentilicios e panel de Determinantes.

Cada grupo escollemos un panel. Tiñamos que elixir unha tarxeta na que se nos plantexaba unha pregunta para despois levar ao escornabot á resposta correcta. Foi moi divertido!

Mestras: Noelia e Remi