Material adquirido coa asignación económica por parte da Consellería

Neste curso 2019/20 continuamos co proxecto de "Introdución á Robótica educativa en primaria", do cal presentamos un proxecto de ampliación.

O curso pasado déronnos unha aportación económica, coa que mercamos o seguinte material:

• 5 robots mBot 

• 10 robots Scornabots

• 2 Legos

• 2 Tablets

• Paneles

Continuamos con esta liña de traballo no PFPP, o que supón máis formación para o profesorado, a cal xa deu comenzo o día 28 de outubro, ademais da que nos impartiu o Centro Galego de Robótica o día 21 de outubro.

Ao mesmo tempo, estanse a clonar todos os ordenadores das aulas Abalar para ter dispoñible o programa MBlock e así facilitar o traballo ao alumnado neste eido e non ter que estar supeditados á aula de informática.

Nas tablets contamos coas aplicacións para poder traballar co material adquirido.

SESIÓN Nº 2 DE MONTAXE DO MBOT-6º B

Nesta segunda sesión acabamos de montar o noso mBot.

Deixamos de momento o chasis e preparamos o mCore do robot.

5. Placa mCore e módulo Bluetooth

Imos fixar a placa mCore do robot. Abrimos a caixa que o contén e con moito coidado acoplamos o módulo Bluetooth. Temos que ser moi coidadosos para non danar o chip. Logo volvemos a cerrar a caixa que o protexe.

O módulo bluetooth é parte do cerebro do noso robot, o que recibe os datos desde o noso mando. Leva uns pins na parte de arriba central e outros pins na parte de abaixo esquerda.

6. Fonte de enerxía: soporte e pilas

Tamén temos que preparar a fonte de enerxía, que son pilas AA e temos un soporte para as mesmas, que imos pegar con un velcro adhesivo ao chasis do robot.

As pilas alimentan o nos circuito e o noso robot.

É o momento de unir o chasis e o mCore para rematar de montar o noso robot. Temos coidado de que os cables estean ben colocados. Estes deben saír polo lateral esquerdo para poder logo conectalos ao mCore, o cable RJ25 que conecta o sensor ultrasónico debe saír polo lateral esquerdo tamén, o cable RJ25 que conecta o sensor ultrasónico debe saír polo lateral dereito. É importante colocar ben todos os cables porque unha vez unimos o mCore ao chasis é difícil.

Unimos o mCore atornillándoo aos espárragos de latón que temos preparados no chasis.

Para poder funcionar hai que conectar todos os cables con coidado de que cada un vaia no seu lugar correspondente.

• Os cables dos motores conéctanse no lado dereito do chasis en Motor Connector, o motor esquerdo en M! e o motor dereito en M".
• O sensor sigue-liñas conéctase por medio dun cable RJ25 ao porto 2 (esquerda).
• O sensor ultrasónico conéctase por medio dun cable RJ25 ao porto 3 (dereita).
• As pilas AA conéctanse á parte traseira do mCore a Power Connector.

7. Mando

Permítenos varios modos de manexo do robot, temos as frechiñas para ir para adiante-atrás, dereita-esquerda e logo os números que sirven para darlle a velocidade que desexemos ao robot.

Xa temos outro mBot preparado para funcionar.

SESIÓN Nº 1 DE MONTAXE DO MBOT-6º B

Ata o de agora traballouse cos robots mBot xa montados. Coa adquisición de novo material para Robótica, plantéxase a necesidade do montaxe deste material, entre o cal están máis mBot, que veñen por pezas e desmontados.

Así, comenzamos pola identificación das partes do mBot, que son as seguintes:

1. CHASIS

   É unha armadura metálica sobre a que se sosteñen o resto das partes do robot.

2. MOTORES E RODAS

   O mBot conta con dous motores, os que se lles unimos as rodas, permiten que se desprace. Estes motores proporciónanlle un ángulo xiratorio de 360º.

3. SENSOR DE LIÑA

   Ten a capacidade de detectar unha liña negra sobre un fondo branco ou viceversa. Isto permite que poidamos diseñar circuitos, coa finalidade de que mBot siga o camiño marcado.

4. SENSOR DE ULTRASONS

   Aporta ao noso robot a capacidade de percibir se un obxecto está preto del, calculando mediante ondas a distancia que hai dende o robot ata o obstáculo. 

O primeiro paso é emsamblar os dous motores ao chasis, cos parafusos M3 e as súas correspondentes tuercas.

 

 

Unha vez que temos os motores engadimos as rodas a cada motor con parafusos de autoperformación.

Engadimos o sensor sigue-liñas e a mini roda con dous parafusos e a axuda do desparafusador que vén co robot. Fixamos ambas pezas na parte frontal do chasis.

 

Outro sensor que vén incorporado no mBot é o sensor ultrasónico que vai permitir que o noso robot detecte obstáculos. Este sensor dalle un aspecto de cara ao noso mBot.

 

É o momento de sacar os cables dos motores polo buraco que temos no centro do chasis para facilitarnos o traballo posterior. Tamén utilizamos dúas conexións RJ25 para conectar os dous sensores que instalamos ata agora ao mCore, que procederemos a acoplar na seguinte sesión. Para unir o mCore necesitaremos catro espárragos de latón que atornillamos ao chasis nas súas catro esquinas.