Sesión de Robótica en 5º de Primaria co Escornabot

O alumnado de 5º traballamos por primeira vez cos escornabots. En primeiro lugar aprendemos a manexalo, en definitiva, aprender como "mandarlle as ordes", para logo facer unha actividade por grupos.

Había catro paneis sobre os que manexar o escornabot: panel matemático con operacións matemáticas con decimais, panel de Ciencias con definicións de termos relacionados coas plantas, panel de Xentilicios e panel de Determinantes.

Cada grupo escollemos un panel. Tiñamos que elixir unha tarxeta na que se nos plantexaba unha pregunta para despois levar ao escornabot á resposta correcta. Foi moi divertido!

Mestras: Noelia e Remi

Sesión de robótica en 5º de Primaria co mBot

Nesta sesión tivemos a primeira toma de contacto cos mBot.

Primeiro observámolos e recordamos que partes ten (portos, sensores, placas...).

Logo, recordamos como había que conectalo co programa mBlock e a acender o robot.

• Movemento: fixemos mover o robot (cara adiante e atrás, xirar...)

• Puxémoslle cor ao robot: aprendemos a poñer luces de cores, espaciando os tempos, combinando cores, alternando.

• Combinamos o movemento do mBot con luces e sons.

 

COREOGRAFÍAS COS ESCORNABOTS EN 6ºA

     O alumnado de 6º A divertímonos cos escornabots. Primeiro programamos os nosos robots

E rematamos as sesións poñéndonos románticos ao son de Sergio Dalma.

SESIÓN DE ROBÓTICA EN 4º E 6º A

     O pasado venres, día 6 de marzo, os alumnos de cuarto axudados polos seus compañeiros de sexto A,fixeron dúas sesións de robótica profundizando e avanzando nos seus coñecementos de mBot.

TRABALLANDO COS ROBOTS LEGO EN 6ºB

O venres, 6 de marzo estrenamos os kits dos robots LEGO. Conseguimos aprender programación e robótica dunha forma lúdica. 

Primeiro construímos varios robots sinxelos.

 Despois conectamos os robots LEGO ao programa instalado na tablet e desde alí intentamos que fixeran determinadas funcións: acendido de luces, reprodución de sons gravados previamente...

Traballo cos scornabots en 4º de primaria

O día 3 de marzo os nenos e nenas de 4º fixeron unha actividade de Robótica co obxectivo de familiarizarse cos scornabots, ao mesmo tempo que se reforzaron os coñecementos relacionados cos corpos xeométricos.

ROBÓTICA EN 6º E.PRIMARIA

Os días 2 e 3 de marzo de 2020, o alumnado de 6º E. Primaria realizou dúas prácticas para aprender a cargar un programa no mBot desde mBlock.

Para isto:

1º Conectamos os nosos mBot co cable aos portátiles da Aula Abalar.

2º Aprendemos a subir a programación do noso robot, desde o ordenador, á placa de Arduino do mBot para despois poder manexalo desconectando o cable. Desta maneira, en canto saquemos o cable, o noso robot vai usar a batería que ten para executar as ordes que lle pasamos á súa memoria. 

Na primeira sesión conseguimos que os mBot parpadearan (función semáforo) e logo que se desprazaran ata chegar a unha determinada distancia dun obstáculo (a parede da aula) e que parasen.

Na segunda sesión repetimos o aprendido e agora fixemos que o robot se desprazara cara adiante, se parase ao chegar a unha determinada distancia dun obstáculo e avanzara cara atrás. Continuamos experimentando para conseguir que ao chegar preto da parede, se parase, volvese cara atrás e logo xirara. 

Polo medio destas sesións tivemos que solucionar algúns problemas técnicos, como axustar os parafusos dos motores do mBot ou cambiarlles as pilas aos que non teñen batería incorporada.