Na xornada do 24 de maio, o alumnado de 3ºA e 3ºB tiveron unha sesión de Scratch. Nesta clase de robótica fixeron o seguinte:
1º Elixir un escenario que se correspondese cunha paisaxe para a súa historia.
2º Escoller dous animais para insertar nesa paisaxe.
3º Incluír o texto de cada personaxe (intentar crear un diálogo entre eles que tivese relación co coidado do medioambiente).
4º Definir o seu movemento na pantalla.
5º Aos que lles deu tempo incluír tamén algún son.
O alumnado de 3º A tivo esta sesión o 26 de abril, e o alumnado de 3º B o 24 de maio. Nesta clase de robótica repasaron os movementos dos robos mBot, para despois repetir as instrucións, pero cambiando os comandos co obxectivo de dirixir os robots cun mando a distancia, sen necesidade de telos enchufados ao ordenador.
Unha vez que fixeron isto, pasaron a traballar sobre o panel das mulleres que temos na aula de informática. Pedíaselles que identificaran a unha muller do panel e quen o facía debía explicarlle aos demais en que campo da cultura destacou. A continuación, entregabáselle unha tableta para que dirixira o robot ás coordenadas nas que se atopaba a fotografía de dita muller famosa. Complicouse o xogo cando se colocaron dous ou tres robots sobre o panel e se foron incorporando tabletas, dado que había que dirixir aos robots, pero non podían chocar entre eles.
Hoxe, mércores 26 de abril, realizamos unha nova sesión de robótica traballando cos mBots, pero desta vez fixemos os movementos no chan sobre un panel. Cada mBot estaba conectado a unha tablet e desde ela realizaban os diferentes movementos (ir cara adiante, cara atrás, xirar á dereita e xirar á esquerda).
Esta panel ten o rostro de varias mulleres que destacaron nalgún campo ao longo da historia. Está baseado no libro "Ellas cuentan. 50 mujeres y niñas que cambiaron el mundo", co que previamente traballamos na aula.
A actividade de hoxe fixémola por grupos. A mestra daba uns datos ou pistas sobre unha das mulleres, e cada grupo debía dirixir o seu robot cara a muller correcta.
Logo, invertimos a actividade. Cada grupo debía dirixir o robot cara unha muller que eles escolleran e dicir todo o que sabían dela.
Foi moi divertido!
Realizamos unha nova sesión o mércores 19 de abril.
Volvemos traballar co programa mBLock e cos robots mBots.
O obxectivo de hoxe era que o noso robot emitira un son (pitara) cando detectara unha certa temperatura (maior que a variable dada) ou que encendera unha luz verde (cando a temperatura era menor que a variable dada).
Obxectivo conseguido!
O alumnado de 3º A tivo esta sesión de robótica o 12 de abril e o de 3º B o 19 de abril de 2023.
Traballaron co programa mBlock para programar os robots mBot desde o ordenador. Esta vez tratábase de conseguir que o robot se movese 15 cm cara adiante cando se pulsa unha letra do teclado, 15 cm cara atrás ao pulsar outra, que xire 90 º cara a dereita ao pulsar outra letra do teclado e outros 90º cara a esquerda, usando unha cuarta letra. O obxectivo é que na vindeira sesión os robots poidan moverse sobre un panel e eles e elas poidan dirixilos para que se vaian desprazando sobre o mesmo en función da información que vaian buscando.
Seguro que o conseguen!!
O mércores, 12 de abril os rapaces e rapazas de 4º volveron traballar co programa Mblock, e desta vez aprenderon a realizar as seguintes accións co robot:
- Xiro de 90º hacia a dereita.
- Avanzar 15 cm.
- Xiro de 90º hacia a esquerda.
- Retroceder 15 cm.
Reto conseguido!
O pasado 29 de marzo, o alumnado de 4º traballou co programa SCRATCH.
Por parellas, debían escoller un personaxe, modificalo ou adpatalo, cambiarlle o fondo, engadirlle novos obxectos...
Logo de ter escollidos todos estes elementos, engadiron unha nova acción que era facer que eses obxectos escollidos se movesen dun lado a outro da pantalla mandándolles as ordes e accións necesarias.
O alumnado de 3º A tivo esta sesión o día 22 de marzo e o alumnado de 3º B o 29 de marzo. Durante esta clase de robótica, os nenos e nenas de terceiro seguiron traballando cos robots mBot. Desta volta, aprenderon a manexar o seu robot usando as teclas que teñen frechas e a barra espaciadora do teclado do ordenador. Conseguiron que o seu robot avanzase, retrocedese, xirara cara a dereita e cara a esquerda e parase. Logo programárono para que cando se pulse a tecla A xire 90º e cando se pulse a tecla B xire 180º.
O mércores, 22 de marzo os rapaces e rapazas de 4º desfrutaron dunha nova sesión de robótica traballando de novo co programa mBlock.
En primeiro lugar, realizaron a programación dos cinco movementos; arriba, abaixo, dereita, esquerda e parada.
Logo, co mBot conectado, executaron ordes para que andivera pero non chocara con nada, e para iso empregaron o sensor de infravermellos, que son os dous ollos do robot.
Deste xeito, o robot andaba, pero cando se atopaba cun obstáculo, detíñase.
Reto conseguido!
Os rapaces e rapazas de 4º tiveron este mércores día 15 de marzo unha nova sesión de robótica traballando cos mBots co programa mBlock.
A tarefa desta semana consistía en facer que se movese cara adiante, cara atrás, á dereita e á esquerda.
Deste xeito aprenderon a realizar movementos básicos controlados por teclas.
Despois, alternando co movemento, tiñan que programar para que se acendese, ao mesmo tempo que se movía, unha luz intermitente á dereita e outra á esquerda.
Todos os grupos conseguiron o reto!
O alumnado de 3º A e 3º B asistiu á terceira sesión de robótica deste curso; o de 3º A o 1 de marzo e o de 3º B o 15 de marzo. Esta vez aprenderon a programar o seu robot mBot desde o ordenador.
1º Conectaron os robots ao ordenador.
2º Buscaron os comandos para conseguir acender as luces do robot en cor amarelo.
3º Conseguiron acender as luces da esquerda en verde e as da dereita en azul para que alumearan ao mesmo tempo.
4º Puxéronlles unha luz intermitente ao robot para que parpadease un número determinado de veces. Isto foi a tarefa máis difícil ata que descubriron como facer os bucles.
Estas imaxes corresponden a esta sesión de robótica:
O pasado 1 de marzo o alumnado de 4º de EP realizou unha nova clase de robótica, desta vez traballando con mBots.
O programa nBlock permite controlar robots. As ordes que lle tiveron que mandar nesta sesión ao robot foron elaborar un semáforo (vermello, verde e amarelo) e alternar as cores.
Todos os grupos conseguiron o reto!
O 15 de febreiro o alumnado de 4º EP tivo a súa cuarta sesión de robótica traballando co programa TINKERCAD.
O profesor de robótica explicoulles como acceder a este programa cun código de clase e un contrasinal e como manexalo. A partir de aí, cada equipo comezou o deseño dun chaveiro. Algún modelo igual se pode chegar a imprimir!
O 8 de febreiro levouse a cabo a terceira sesión de robótica co alumnado de 4º EP.
Desta vez aprenderon a deseñar en 3 D con Doodle 3D.
Fixeron dous diseños: un chaveiro e un vaso.
O 1 de febreiro levouse a cabo a segunda sesión de robótica con Lego Robots co alumnado de 4º EP.
Desta vez, tiveron que seguir os pasos na tablet para ir construindo un coche LEGO con motor que finalmete debía moverse. Conseguírono!
O alumnado de 4º de Educación Primaria comeza este cursos coas súas primeiras clases e prácticas de Robótica.
A primeira sesión levouse a cabo o 25 de xaneiro e traballaron con LEGO ROBOTS.
O LEGO WeDo é o kit de
robótica educativa para iniciar aos nenos e nenas de primaria na programación.
Permite construir robots con sensores simples, programalos e conectalos a
ordenadores. É unha ferramenta que serve ademais para axudar a mellorar
habilidades motoras e mentais.
Como complemento dispoñemos de tablets, nas
que están instaladas as aplicacións para poder traballar cos
LEGO WeDo.
Por grupos, debían seguir os pasos correctamente para intentar construír un satélite que programaron desde as súas tablets.
Foi unha sesión moi divertida e entretida na que nos adentramos no mundo da robótica e programación.
