Os nenos e nenas de 1º A coñeceron ao robot DOC na sesión de PT. Tras familiarizarnos co seu funcionamento, traballamos o seguimento de instrucións e a orientación espacial a través da interpretación dun plano dunha vila presente no noso taboleiro. Foi moi divertido!
O alumnado de 5 anos B, 1º A e 1º B coñeceron o Escornabot. Practicaron coas palabras con R resolvendo unhas divertidas adiviñas, unha vez que sabían a resposta tiñan que dirixir ao robot á imaxe correspondente, ademais traballaron a estruturación sintáctica creando pequenas oracións coas palabras que foron descubrindo. Pasámolo en grande!
Os nenos e nenas de 5 anos B coñeceron a DOC nas sesións de PT e AL. Traballaron a orientación espacial e a estimulación da linguaxe oral coñecendo novo vocabulario e a través da creación de pequenas historias cos elementos presentes no taboleiro. Pasárono xenial!
O
mércores, 2 de xuño o alumnado de 6º tivemos a última sesión de robótica co
profesor especialista.
Desta vez traballamos coa páxina de
"Tinkercad". Co usuario e contrasinal entregados, cada alumno e alumna
deseñou o seu propio chaveiro e máis tarde gardouno na aplicación, para poder
imprimilo en 3D cando quixeran. Repasáronse moitos contidos matemáticos
estudados ao longo do curso.
Os
que remataron antes este traballo debuxaron despois o número 6 empregando unha
serie de figuras.
Foron
unhas sesións moi divertidas e lúdicas, que nos achegaron un pouquiño máis ao
apaixoante mundo da robótica.
O alumnado de 1º, os días 10 e 15 de xuño, estivo familiarizándose co manexo do "Escornabot" e iniciándose nuns coñecementos básicos sobre o funcionamento do mesmo.
Descubriron que o robot leva a cabo unhas accións que responden ás ordes que previamente lle foron dadas.
Este sinxelo robot educativo consta de 5 botóns que introducen os comandos de movementos:
-Branco: executa as ordes.
-Azul: avanza 10 cm.
-Amarillo: retrocede 10 cm.
-Verde: xira 90º á dereita.
-Vermello: xira 90º á esquerda.
Nesta primeira sesión o reto era sinxelo; consistía en establecer a secuencia de movementos que tiña que realizar o Escornabot para chegar ao obxectivo marcado.
Desta maneira traballamos a orientación e a programación.
A actividade resultou motivadora para o alumnado que amosou unha gran habilidade no manexo do robot.
O mércores, 2 de xuño o alumnado de 5ºA tivo a última sesión de robótica co profesor especialista.
Traballaron esta vez coa páxina de "Tinkercad". Co usuario e contrasinal entregados, cada alumno e cada alumna deseñou o seu propio chaveiro e máis tarde gardouno na aplicación, para poder imprimilo en 3D cando quixeran. Repasamos con esta actividade conceptos xa estudados en clase de Matemáticas, como os xiros no plano e as unidades de lonxitude. Unha actividade moi interesante onde o alumnado puido ver unha aplicación práctica dos contidos estudados.
Os que remataron antes este traballo debuxaron despois o número 5 empregando unha serie de figuras.
O mércores, 26 de maio o alumnado de 5º A tivo unha sesión de mBot co profesor especialista en robótica.
Conectou cada parella o seu robot ao ordenador e a partir de aí comezaron coa linguaxe de programación.
1º Función semáforo. Puxéronlle ao seu robot unha luz vermella durante 3 segundos, outra amarela durante 2 segundos e unha verde durante 1 segundo. Despois conseguiron que se apagasen todas as luces e se repetise un número determinado de veces.
2º Bombilla RGB. Control do acendido das luces a través das teclas do ordenador.
3º Introducir un son cando se acenda a luz vermella que dure uns segundos.
Na xornada do 29 de maio, o alumnado de 5ºA recibiu a segunda sesión de Scratch co profesor especialista en robótica.
Desta vez tiveron que crear un videoxogo no que debuxaron un escenario cun labirinto. Colocado un scrip dentro, tratábase de conducilo ata o final, de tal maneira que se tocaba un borde do labirinto volvía ao principio e cando conseguía chegar ata o final, aparecía outra pantalla cunha mensaxe de felicitación.
O mércores, 26 de maio o alumnado de 6º de Educación Primaria
realizamos a cuarta sesión de robótica impartida polo mestre especialista.
Nesta ocasión traballamos co programa Mblock.
En primeiro lugar conectamos os mbots cos ordenadores para
comezar a darlles as ordes: utilizamos os comando para facer un semáforo e unha
lanterna.
a) A actividade do semáforo consistía en que o robot
acendese: un led de cor vermella durante tres segundos, un led de cor amarelo
durante un segundo, un led de cor verde durante un segundo e estivese outros tres
en espera.
b) A actividade da lanterna consistía en que o mbot acendese
un led vermello ao pulsar a tecla "a" e se apagase ao pulsar a tecla
"b".
Unha vez máis, foi unha sesión moi divertida e na que
aprendemos moitas cousas máis deste mundo tan entretido da robótica.
