3ª SESIÓN DE ROBÓTICA CO ALUMNADO DE 4º EP (curso 2022-2023)

 

O 8 de febreiro levouse a cabo a terceira sesión de robótica co alumnado de 4º EP.

Desta vez aprenderon a deseñar en 3 D con Doodle 3D.

 Fixeron dous diseños: un chaveiro e un vaso.

2ª SESIÓN DE ROBÓTICA ALUMNADO DE 4º EP ( curso 2022-2023)

 

 O 1 de febreiro levouse a cabo a segunda sesión de robótica con Lego Robots co alumnado de 4º EP.

Desta vez, tiveron que seguir os pasos na tablet para ir construindo un coche LEGO con motor que finalmete debía moverse. Conseguírono!

1ª SESIÓN DE ROBÓTICA ALUMNADO DE 4º EP (curso 2022-2023)

 

O alumnado de 4º de Educación Primaria comeza este cursos coas súas primeiras clases e prácticas de Robótica.

A primeira sesión levouse a cabo o 25 de xaneiro e traballaron con LEGO ROBOTS.

O LEGO WeDo é o kit de robótica educativa para iniciar aos nenos e nenas de primaria na programación. Permite construir robots con sensores simples, programalos e conectalos a ordenadores. É unha ferramenta que serve ademais para axudar a mellorar habilidades motoras e mentais.

Como complemento dispoñemos de tablets, nas que están instaladas as aplicacións para poder traballar cos LEGO WeDo.

 

Por grupos, debían seguir os pasos correctamente para intentar construír un satélite que programaron desde as súas tablets.

Foi unha sesión moi divertida e entretida na que nos adentramos no mundo da robótica e programación.

2ª SESIÓN DE ROBÓTICA ALUMNADO DE 3º E.PRIMARIA . CURSO 2022-23

Nesta segunda sesión, o alumnado de 3º E.Primaria coñeceu o programa TINKERCAD. O profesor de robótica explicoulles como acceder a este programa cun código de clase e un contrasinal e como manexalo. A partir de aí, cada equipo comezou o deseño dun chaveiro. Gardaron o que fixeron e agora tócalle ao profesor revisalo. Algún modelo igual se pode chegar a imprimir!

Esta segunda sesión foi impartida ao alumnado de 3º A o 8 de febreiro e ao alumnado de 3º B o 15 de febreiro.

1ª SESIÓN DE ROBÓTICA ALUMNADO DE 3º EP- CURSO 2022-23

O alumnado de 3º E. Primaria tivo a súa primeira sesión de robótica deste curso 2022-23. En 3º A esta sesión fíxose o 25 de xaneiro e en 3º B o 1 de febreiro. 

Traballaron cos Lego Robots. Ao final da clase todos os grupos conseguiron construír un satélite que programaron desde as súas tabletas. Foi unha clase moi divertida!!

 

SESIÓNS DE ROBÓTICA CO ALUMNADO DE 6ºA

O alumnado de 6ºA, ao igual que o de 5º A e 4º A,  recibiu no primeiro trimestre deste curso 2021-22 seis sesións de robótica impartidas polo profesor Luis Alonso del Río. Estas sesións distribuíronse da seguinte maneira:

- 2 sesións cos Lego Wedo 2

- 2 sesións cos Mbot

- 2 sesións de deseño 3D

Usáronse para estas sesións os recursos do centro e completáronse cos elementos aportados polo CGRE.

Neste terceiro trimestre reanudamos as sesións de robótica, que se deixaron de impartir durante o segundo trimestre por mor da pandemia, e imos repartilas como segue:

- 1 sesión de deseño 3D

- 1 sesión cos Lego Wedo 2

- 1 sesión de Scratch

- 1 sesión cos bolígrafos 3D

- 1 sesión cos Mbot

As imaxes corresponden á sesión realizada cos Lego Wedo 2 que se fixo o 26 de maio pasado.

SESIÓNS DE FORMACIÓN ROBOTIESCOLA

No primeiro trimestre do curso 2021/22 continuouse coas sesións de formación de Robótica por parte de persoal do Centro Galego de Robótica para alumnado de 4º, 5º e 6º de primaria, os mércores de cada semana.

Traballouse co programa MBLOCK, cos robots MBOT e cos LEGO Education WeDo 2.0.

O LEGO WeDo é o kit de robótica educativa para iniciar aos nenos e nenas de primaria na programación. Permite construir robots con sensores simples, programalos e conectalos a ordenadores. É unha ferramenta que serve ademais para axudar a mellorar habilidades motoras e mentais.

Como complemento dispoñemos de tablets, nas que están instaladas as aplicacións para poder traballar cos LEGO WeDo.