INICIACIÓN Á ROBÓTICA EN PRIMEIRO: UN PIANO CON MBLOCK E PLACA MAKEY MAKEY

Xa tiñamos ganas de empezar con esta actividade STEAM onde se poñen en xogo moitos coñecementos e moitas capacidades...pero reto superado ...

Ata fomos capaces de tocar algunha melodía!!!!

Para isto necesitamos ter:

• Unha placa makey makey e accesorios (cables cocodrilo e un cable USB)
• Un ordenador con programa Mblock instalado
• Unhas mandarinas
• Nenos e nenas

Ademais de moita imaxinación e ganas de aprender!!!!!!

Pero como unha imaxe vale máis que mil palabras!!!!

CONECTANDO OS MBOT AO ORDENADOR

Hoxe, o alumnado de 6ºA e 5º B foi á aula de Informática para conectar os mBot ao ordenador.  Despois de superar algún pequeno atranco coa conexión, empregando o mBlok, programamos os robots para que se desprazaran cara a dereita e cara a esquerda, incorporando un último comando para que se moveran máis rápido. 

Temos que destacar a solidariedade e compañeirismo que houbo nesta sesión entre o alumnado, o que nos permitiu ao profesorado etiquetar os equipos e deixar xa os kit preparados para que os poida empregar o resto dos nenos e nenas de 4º, 5º e 6º E.P. 

Na vindeira sesión, xa podemos avanzar máis rápido e incorporar novos elementos, que conectados ao robot, nos permitirán que realice outras funcións. 

Imos avanzando!!

ESCORNABOT E BEE-BOT

Na Educación Infantil continuamos traballando cos robots.
Os nenos/as de 5 anos estudiaron a fondo o Escornabot e fixeron diferentes debuxos.

Por outro lado, o alumnado de 3 e 4 anos compararon o Escornabot co Bee-bot!

Mirade que carreira de robots fixemos!

O gañador foi... o Bee-bot!

 

FIGURAS XEOMÉTRICAS CON MBLOCK

PREME AQUÍ: http://www.edu.xunta.gal/centros/ceipdearzua/node/1555

UN NOVO ROBOT CHEGA Á EDUCACIÓN INFANTIL

Nas 5 aulas de Educación Infantil comezamos a traballar co ESCORNABOT!

Trátase dun robot básico que se programa para executar secuencias de movementos.
No funcionamento é moi similar aos demáis robots pero na apariencia...

- Por que non ten cara? foi unha das preguntas máis feitas nas aulas de EI
- Por que camiña tan despacio?
- Eses cables... dan corrente?

Continuaremos investigando e contándovos máis novas sobre o noso ESCORNABOT!

FAMILIARIZÁNDONOS CO PROGRAMA MBLOCK

O alumnado de 5º E.Primaria comeza a utilizar o programa mBlock, un entorno gráfico de programación para introducir a robótica de forma sinxela e aprender a programar robots.

Nesta primeira sesión de toma de contacto, aprendemos a diferenciar as intrucións que aparecen clasificadas por categorías.

                 

"Piña"

As nenas e nenos da clase de 3 anos B preséntanvos a Piña que nos está axudando un montón a coñecer as partes das abellas e a diferencialas das doutros animais, ademais doutras moitas habilidades como a orientación espacial ou o conteo, entre outras.